Jæja fréttir af mér.
 Ég er bara hérna á Ísafirði, búinn að koma mér vel fyrir í Stórholti 13 í fínni 3ja herbergja íbúð. Ég átti gott samtal við sýslufulltrúa hjá Sýslumanninum í Reykjavík í gær og lítur út fyrir að mér verði úrskurðuð umgengni með Birnu, en fyrir þá sem ekki vita, þá hefur Gyða barnsmóðir mín heftað umgengni okkar feðginanna síðan í byrjun febrúar og er það bara gert af einni ástæðu: Hefnd, því hún getur ekki lengur stjórnað mér....

Ég var kosinn í stjórnarstörf hjá KFÍ í vikunni og er formaður Meistaraflokksráðs, ásamt því að ég ætla að gera mitt besta í að komast í liðið, veit að ég get skotið hvern sem er út úr liðinu, bara spurning um formið og það skemmtilega er að við hjá KFí verðum með 4 liða æfingamót hérna á Ísafirði 5-6 sept (KFÍ, Þór Ak, Haukar og Fjölnir) og helgina eftir það smellum við okkur til Akureyrar á Greifamótið og vonandi mæta mínir menn í Skallagrím þangað, ásamt auðvitað Snæfelli og öðrum liðum.....það verður semsagt gaman að mæta Sköllunum á Akureyri ef maður skyldi nú ná inn í hópinn

Ég smellti mér á smá veislustanderí á laugardaginn, það var hörkugaman og eru myndir frá því á Facebook-síðunni minni, ásamt því að daginn eftir skellti ég mér í smá road-trip í Arnarfjörðinn og kíkti tildæmis í Selárdalinn í hreint geðveiku veðri, myndir af því eru líka á Facebookinu mínu.

Raggi kúturinn vinur minn er kominn í hnapphelduna og ætlar hann að gifta sig aftur hérna á Íslandi í október, og er mann farið að hlakka ansi mikið til þeirrar veislu, tel að þar verði mikið húllumhæ

Med hilsen elskurnar
Jói

Jáhh það er víst komið að þessu enn og aftur, Verslunarmannahelgin í öllu sínu blússi nýliðin og guði sé lof að ég átti ekki afmæli á henni núna, heldur á þriðjudeginum eftir hana Ég hugsa að ég hefði hrunið svo hrikalega í það ef ég hefði átt afmæli á laugardeginum eða sunnudeginum.....

Helgin var fín, vísu mikil vinna, en ég náði að sjá Mýrarboltann, og þvílíkt fjör sem það er....við vorum nokkrir félagarnir þarna og við höfum ákveðið að taka þátt næsta sumar og búningarnir verða ekki af verra taginu, ætlum að líta út eins og The Chippendales, með slaufu, að öðru leyti berir nema í pungbindi
 Nokkuð ljóst að ef að því verður, þá munu markametin falla umvörpum, því hver vill verjast okkur olíubornum og nánast nöktum
 Og þetta yrði örugglega líka fyrsta keppnin sem yrði bönnuð börnum innan 18 ára og yrði selt inn á

Ég er annars bara fínn, finnst ég ekki árinu eldri en ég var 1999, fyrir utan þessa bévítuðu streptókokkasýkingu.....ég get nánast ekkert talað, og hljóma eins og Barry White

Annars eigið góðan afmælisdaginn minn

Jói

Ég var að glápa á mynd áðan með Tom Selleck......sem á árum áður var gangandi tákn karlmennsku með sína hormottu og þéttofna lopapeysuna á bringunni.

 Nú hef ég ekki verið manna þekktastur fyrir að spíra lopapeysingjum á bringu vorri, vart að þar séu nema tvær tylftir hára. Er mér þá spurn, er ég minna karlmenni en Tom Selleck??

Nú ég ákvað að vera lítill séntilmaður í mér og spurði gamla vinkonu að þessu á MSN, og hún sagði að peyjar með berstrýpaðar bringur væru sér meira að skapi, þar eð að skemmtilegra væri að gæla við bringur þeirra.......þar er ég líka sammála, enda langar manni ekkert að kynnast stelpu með bringuhár......rétt eins og að vel snyrtar stelpur eða jafnvel hárlausar eru bara mest sexý, munnfylli af hárum eru ekki mönnum uppá bjóðandi

Því tel ég mig vera jafn mikið karlmenni og Tom Selleck, ef ekki meiri......er næstum sure á því að ég sé betur vaxinn á neðri veginn en hann, verð amk að ímynda mér það sem sárabót fyrir bringuhársleysinu

JoeJoe Skallinn kveður allar lauslátsdrósir og siðspillta óknyttadrengi og auðvitað ykkur hin líka

Gaui vinur var að sýna mér DVD disk með írzku Riverdance, shit maður getur ekki annað en hrifist af, þvílík fótafimi
 Ítalía og Spánn í kvöld....það er alltaf Forza Italia hjá mér, þótt margir af mínum vinum og fjölskyldumeðlimum beri ekki sömu hrifningu í brjósti. Síðustu 2 leikir hafa verið svakalegir, endalaus dramatík, svona á líka Evrópukeppnin að vera
 
 Annars lítið af mér að frétta, er mestmegnis að vinna, í ræktinni að gera mitt besta í að gera JoeJoe kallinn flottann, kíkja á hrikalega sæta stelpu hérna, teikna lógó fyrir KFÍ og Hauka og svo er það aðalfréttin.........ég er að skrifa einar 4 barnabækur núna, og allar í einu......gengur ágætlega og ég ætla að fara að senda uppkast á útgefendur, vonandi að þeim lítist vel á og ég geti tekið þátt í jólabókaflóðinu eins og ég gerði með Jólastríðið um jólin 2004...það var hrikalega gaman

Vildi bara láta aðeins í mér heyra....aftur hehehehe

Skallakúturinn kveður....

Samkvæmt þessum pistli á mbl.is: http://www.mbl.is/mm/frettir/taekni/2008/06/19/hvers_vegna_komast_vondir_strakar_yfir_fleiri_stelp/ þá komast slæmir strákar yfir mun fleiri stelpur en þessir góðu!!! Getur það verið, jú vissulega klóraði maður sig oft í hausnum yfir vali sumra stelpna á kærustum eða bólfélögum á sínum tíma....en einhvernveginn þá hef ég týnt sjálfum mér í þessum kenningum um að "goody" gaurar geti ekki náð sér í flottar gellur eða jafnvel margar gellur, þó það sé nú kannski ekki alltaf öfundsvert (fer algjörlega samt eftir manneskjunni), því ég hef fyrir augunum 2 eintök af drengjum sem án nokkurs efa tilheyra hópi hinna góðu drengja, en virðast einhvernveginn ekki hafa átt í minnstu vandræðum með að ná sér í kvenfólk, jafnvel drottningar ef svo bar að skipta....er það ekki bara hugarfarið sem skiptir hjá strákunum, því það virðist vera til fullt af kvenfólki sem vill láta "treat-a" sig eins og druslur og þá er bara að fara með því hugarfari í leikinn......ég er samt ekki að leggja til að allir karlmenn geri það, enda hef ég það sjálfur fyrir reglu að fara með allar stelpur eins og prinsessur, sem þær auðvitað eru, þó ýmislegt breytist þegar í svefnherbergið er komið..hehehehehe 

Þetta er bara smá hugleiðing

JoeJoe

Það var nú þannig að Gaui vinur var að sýna mér nýja ameríkanann sem er að koma til Ísafjarðar til að spila með KFÍ, hörku player og allt......en óþekktar pervertinn í gráa gumsinu í hausnum á mér varð starsýnt á allt annað og allt annan mann....leikmann að nafni Dustin Geitgey!!!!

Það hefur löngum verið sagt að við karlmennirnir verðum alltaf strákar og að við þroskumst seint, líklega á það við í þetta skiptið, því að nafnið Geitgey vakti líka þessa býsn af kátínu hjá okkur félögunum og endaði þetta vitaskuld á klósettferð....hefði verið pínlegt að enda vinnudaginn hlandbrunninn
 
 Þetta með nafnið Geitgey, vakti upp aðrar minningar, því ég minntist þess að einhverntímann vorum við vinirnir að spjalla um einhvern fjandann og vitaskuld orðnir ölir og nafnið Hálfdán kom upp...og hver það var sem sagði eftirfarandi, man ég ekki, en grunar Risann eða Sigurð Heiðarr sterklega: "Annað hvort ertu down eða ekki down, þú ert aldrei Hálfdán!!!" Hahahahahaha, veit aulahúmor, en samt snilld

Hilsen....ætla að fá mér rauðvín í kveld

Joejoe

Ég hef verið húkt á ákveðnum þáttum sem sýndir voru á Sirkus hérna um árið og nefnast Supernatural um bræðurna Jake og Sam Winchester sem elta uppi drýsla, djöfla og annan ófögnuð.....ég horfði á fyrstu 2 seríurnar með aðdáun en þar sem að ég hef það ekki í mér að stunda niðurhal, þá gat ég ekki séð 3ju seríu.....ekki fyrr en í gær þegar að Jakob Einar vinur minn afhenti mér fyrstu 12 þættina í 3ju seríu á DVD disk. Um leið og ég komst heim, var háttað, skriðið upp í rúm og diskinum poppað í tölvuna.
  Ég ætlaði fyrst bara að horfa á 2-3 þætti, en alltaf kom upp hugsunin: "Ég get nú alveg horft á einn í viðbót!!"
  Fyrr en varði var klukkan að nálgast 5 að morgni til, ég ætlaði að vera duglegur og fara í ræktina snemma, en auðvitað svaf ég bara á mínu græna eyra og lét allt sólskin, fuglasöng að utan og meira að segja geitungsfjandann sem smellti sér inn um opinn gluggann hjá mér sem vind um eyru þjóta, þangað til að fjandakollurinn gerði sig líklegan til að skríða inn í eyrað á mér.
  Blessunarlega, þá virðast Grænfriðungar og Sea Shepard lítið skipta sér að örlögum hinna vesælu skorkvikinda, því get ég með góðri samvizku lýst því yfir að Geitungurinn hlaut bæði langan og kvalafullan dauðdaga af mínum völdum. Enda notaði ég gluggasprey til að lama hann (nánast drekkti honum) og svo kramdi ég úr honum síðasta lífsneistann með klósettpappir....mjög þrifalegur í þessu öllu


Skallinn SkriðuBrandur skorkvikindabani og skurðgoð með meiru

Sjálffróunarmúffa...(Þvílíkt endemis orð)......!!???

Er þetta ekki jólagjöfin eða bara síðsumarsgjöfin til allra stoltra íslenzkra karlmanna, hver sem lengd okkar og breidd er á neðri breiddargráðunni....á svokallaðri "Mið-Nes-Heiði" okkar kynbræðranna
 Hví ætti það að vera aðhlátursefni að karlmenn skuli fá batterísleikfang til eigin nautna, þegar að stelpurnar eiga sumar 2-10 stykki af mismunandi rafhlöðudrifnum sjálfsnautnatólum og njóta jafnvel aðdáunar þjóðfélagsins að geta stundað sjálfsþurftarbúskap án hjálpar karlmanns í "Votadal" sínum
 Ég er virkilega að hugsa um að biðja um svona tól til brúks í afmælisgjöf 5. ágúst.....þið vitið þá hvað skal gefa, þið sem lesið bloggið mitt.....en hafa skal í huga að ég tel mig bara þurfa eitt svona tól til afnota, þar eð ég hef bara eitt tól til innstungu í svona "múffu", þannig að annaðhvort verða samskot á milli vina minna eða þá að fólk verður bara skynsamt og gefur mér gjafabréf í einhverri unaðsversluninni

Annars er Skallinn bara brattur, erfiður vinnudagur í dag, tók á og fjandi mikið að gera, aðallega líka vegna þess að ég dreypti aðeins á rauðu í góðum félagsskap í gærkvöldi og svo voru fjárans borgarar þýðverzka alþýðulýðveldisins svo yfirmáta hrútleiðinlegir og frekir, að meira að segja ég var kominn á limmið með að gefast upp...
 En þreyta stoppar mann ekkert, ekki myndi maður segjast vera of þreyttur ef falleg stelpa byði manni í feluleik í "múffunni" sinni....neeeeiiii held ekki
 Því verður vaknað snemma og haldið í ræktina, ég er nefnilega held ég að komast í eitt besta form sem ég hef lengi verið í......vantar aðeins upp á að tóna líkamann, en það kemur, verð orðinn þokkalega flottur í lok sumars

Hugsa samt að ég glápi aðeins á NBA í nótt, maður getur ekki annað en hrifist af Boston og hvernig þeir spila, aðallega snillingurinn Paul Pierce.....drengurinn er bara Váááááá 

Skallinn kveður.....

Hæ, ég er vissulega lifandi, þótt lítið hafi sést af mér eða frést.......

Lífið er nú bara þannig að ef maður liggur vel við höggi, þá kemur það með spörkum og höggum.....en ég sem yfirmáta bjartsýn persóna, ákvað að láta ekki deigan síga og ákvað að breyta um umhverfi.
 Því var ferðinni heitið til Ísafjarðar, þar sem að ég er núna.....vinn á Fernando's hjá Gaua vini og hef það bara ágætt....get því hægt og bítandi komið sjálfum mér á rétta hillu aftur
 
Ég þurfti bara að hugsa um sjálfan mig, vinna að því að berjast fyrir rétti okkar Birnu að fá að sjást og komast á rétta hillu í lífinu.
 Held bara að ég hafi ekki átt að vera að standa í þessum samböndum, þar sem að ég var bara ekki tilbúinn í þau.....
 Ég verð kannski meira tilbúinn í vetur, jafnvel ekkert fyrr en næsta sumar....enda finnst manni maður þurfa að geta boðið hinum aðilanum upp öryggi og staðfestu, ef maður ætlar að gera þetta að alvöru
 Þannig að ef ég hitti einhverja sæta og góða hérna á Ísafirði, þá ætla ég að kynnast henni mjög vel og taka hlutina hægt og rólega

Annars er ég allur líka að koma til líkamlega, hef tekið ræktina föstum tökum, enda kannski lítið annað við' að hafa......ætla mér að verða þrusuflottur í haust....amk kominn langt með það

Kveðja
Jói

Ég smellti mér til Ísafjarðar um helgina, fór að hitta Gaua vin og smellti mér á Grímuball KFÍ, þvílíkt og annað eins stuð sem var þar.....kallinn var auðvitað flunkuflottur, var svona hálfpartinn eins og persóna úr Brotherhood of the Wolf, ef einhver hefur séð þá mynd með Jean Reno

Ég er annars bara fínn, líður bara sæmilega, finnst ágætt að vera einn, þótt ég sakni nú alveg litlu dúllunnar minnar. Ég fór um daginn og keypti handa henni stórt Strumpapáskaegg, kem því voandi til hennar.

Svo gerðist það um daginn, að ég smellti mér á leik Njarðvíkur og Skallagríms, sem var ekki frásögu færandi nema af því að ég var dreginn út úr happadrætti og hlaut að launum ferð með Iceland Express fyrir 2 til Evrópu (þeir auðvitað fljúga ekkert annað)
 Þá er ég kominn með 2 svoleiðis ferðir, því að ég á aðra svoleiðis ferð til Evrópu með Icelandair.....sumsé, maður verður að fara að nýta sér þetta, bara ef Evran væri ekki svona dýr

Annars er ég bara þokkalegur, er bara að lyfta og koma mér í form, sem gengur bara mjög vel.....er bara farinn að líta nokkuð vel út

Heyrumst
Jói

 "Bandaríska sjónvarpsstöðin ABC gæti þurft að reiða fram 1,4 milljónir dala í sekt fyrir að hafa sýnt þátt úr sjónvarpþáttaröðinni NYPD Blue þar sem konan sást nakin.

Bandaríska fjarskiptanefndin (FCC) segir að þátturinn, sem er frá árinu 2003, hafi sýnt rasskinnar á konu bæði í nærmynd og frá mörgum sjónarhornum, að því er fram kemur á fréttavef BBC.

Það er álit nefndarinnar að það sé smekklaust að sýna með móðgandi hætti kynferðislegar athafnir eða fólk hafa hægðir í sjónvarpi fyrir kl. 22 á kvöldin.

ABC vísar þessu á bug, og bendir á að rasskinn teljist ekki til kynfæra.

Búið er að sekta allar 52 stöðvar ABC sem hafa sjónvarpað þættinum umdeilda.

NYPD Blue hóf göngu sína árið 1993 og var framleiðslu þáttanna hætt árið 2005. Í þættinum umdeilda sést ungur drengur koma naktri konu að óvörum, en konan var á leiðinni í sturtu. Bandaríska fjarskiptanefndin segir að henni hafi borist fjölmargar kvartanir vegna atriðisins, en í því sést jafnframt annað brjóst konunnar."

Hahahaha þetta er eitthvað það fyndnasta sem ég hef heyrt, hreint út sagt fáránlegt. Geta Bandaríkjamenn verið með meiri hræsni, þar sem að þeim er fyrirmunað að sýna þótt það sé ekki nema nakin stóratá án þess að bligðast en svo geta þeir sýnt ofbeldi í sinni verstu mynd, jafnvel á fjölskylduvænustu áhorfstímum.

€g var að fara yfir vinahópinn minn á MySpace, og ég á virkilega marga vini þar, sko fólk sem ég virkilega þekki vel.....en, þegar að maður skoðar yfir myndirnar af fólkinu, þá er stór prósenta þeirra að spila körfubolta á myndinni sinni, ég semsagt þekki lítið annað en körfuboltamenn hehehehehehe

Kallinn er annars bara fínn, fór í bíó í gær, sáum Aliens vs Predator, mér fannst hún svona allt í lagi, það hefði verið hægt að gera meira með hana....alltof dökk, þannig að maður var oft ekki viss hvað var að gerast, en miðað við endirinn, þá verður önnur mjög fljótlega.

Spurning um að kíkja á leik í kvöld, ég fer varla upp í nesið á leik, þar sem að veðrið er nú ekki upp á sitt besta, þannig að maður kíkir kannski hérna hinum megin á Reykjanesið og skelli sér á stórleik Keflavíkur og Njarðvíkur. Vona svo innilega að Keflavík vinni.
  Sko ástæðan fyrir því að ég vona að Keflavík vinni Njarðvík og einnig að KR vinni Njarðvík einnig í næstu umferð, er að við Skallar erum jafnir Njarðvík að stigum, og við eigum 2 auðveldari leiki, ÍR í kvöld og Fjölni næst og gætum þá tryggt okkur 4 sætið nokkuð örugglega og skilið Njarðvík eftir með 4 stig á milli okkar

Heyrumst skrattakollar

Ps: og þið krúttin mín sem hafið verið að skamma mig vegna síðunnar hennar Birnu, þá er hún opin núna og ég er að setja inn nýjar myndir.....2 ný album að minnsta kosti

SkriðuBrands Skallinn svakalegi

Hahaha það er sem ég hef sagt, körfuboltinn rúlar yfir handboltann. Var að glápa á blessaðar fréttirnar á Stöð 2 og þar var viðtal tekið við Ólaf Stefáns og þar var rætt um metnaðarleysið í varnarvinnu handboltalandsliðsins. Þar sagði hann að hann hafi haft samband við Hlyn Bærings, minn gamla vin og liðsfélaga sem spilar nú með Snæfelli um varnartaktík. Sagði að Jón Arnór bróðir sinn hafi bent honum á Hlyn og sagt að hann væri sterkasti andskoti sem hægt væri að lenda í og mikið varnartröll. Það er sem ég segi, kannski að körfuboltinn bjargi nú handboltanum og kenni þeim eitthvað í fótaburði og varnartaktík, enda körfuboltinn þekktur fyrir afbragðsgrunn í fótavinnu.

Handboltinn yrði kannski eitthvað, ef að þeir hefðu gaura á borð við Hlyn Bærings eða Pálma Þór Sævars í sínum röðum, þvílík varnartröll sem þeir eru og fastir fyrir.

Ég er annars búinn að vera fastur hérna heima í allan dag, komst ekki í vinnuna vegna þess að Grindavíkurvegur og Reykjanesbraut voru harðlokuð vegna snjóa og hryðja. Ótrúlegt að búa á þessu láglendissvæði sem Reykjanesið er og vera fastur dag eftir dag heima hjá sér og ekkert komast...hreint ömurlegt.

Annars er Bóndadagur í dag og ég fékk 2 kveðjur frá vinkonum mínum í dag á msn, mjög sætt af þeim að muna svona eftir Jóa sínum
 En ég fékk auðvitað líka gjafir, Rakel fór í bæinn með mömmu sinni í dag og Hrefnu systur sinni og kom til baka með blómvönd og stóran poka að fylltum lakkrísreimum sem ég er nú veikur fyrir....ummmm nammi.
 Er nú samt hættur að borða nammi, nema á laugardögum

Og já, minns er bara að taka breytingum, hef bæði tapað þyngd og miðju-ummáli, á meðan að ég hef bætt á mig smá vöðvamassa....eða kannski að ég hafi bara komið gömlu góðu vöðvunum í gang aftur, held að það sé meira þannig

Annars er maður bara við það sama....þið megið annars kíkja á nýju Myspace-siðuna mína, en þar eru fullt af skemmtilegum myndum. Url-ið inn á hana er: www.myspace.com/skallinn14

Skallinn

Jíhaaaaaa.......New England Patriots eru komnir í Superbowl....rosalega skal ég glápa á hann á einhverju öldurhúsi stórborgarinnar..og kannski kneyfa á ölkrús við og við á meðan á leiknum stendur...leikurinn verður semsagt ekki núna á sunnudaginn, heldur þar á eftir, þann 3ja held ég.

Ég lenti í því enn einu sinni núna um daginn að vera spurður um skilríki í einum af áningastöðum Mjólkurbúðarsamsteypunnar (ÁTVR)....ég er orðinn hundviss um það að þessar smástelpur sem eru að vinna þarna eru bara spenntar fyrir einum svona þroskuðum og eru bara að spá í hversu aldraður jálkurinn er orðinn...enda spurði ég stelpugreyið, hvort hún héldi að ég væri yngri en 20 ára. Hún sagði nei!!!
  Þá spurði ég hvort hún héldi að ég væri yngri en 25 ára, og hún hélt ekki. Þá spurði ég afhverju í ósköpunum hún væri að spyrja mig um skilríki??? Og greyið gat engu svarað, þannig að ég lét hana bara hafa ökuskírteinið og brosti út í annað, til að róa stelpugreyið eftir að hafa látið þessa smá gusu skvettast yfir hana

Er hérna með eitt skemmtilegt sem ég tek þátt í, set það hérna fyrir neðan:

How old are you going to be when you get married?>Put an X in every box that applies to you

[x] You know how to make a pot of coffee
[x] *You keep track of dates using a calendar
[ ] *You own more than one credit card
[ ] *You know how to change the oil in a car
[x] *You've done your own laundry
[x] *You vote in every election
[x] *You can cook for yourself
[x] *You think politics are exciting

TOTAL SO FAR: 6

[x] *You show up for school/college/work every day early
[ ] *You always carry a pen in your bag/purse/pocket
[ ] *You've never gotten a detention
[ ] *You have forgotten your own birthday at least once
[x] *You like to take walks by yourself
[x] *You've watched talk shows
[x] *You know what 'credibility' means without looking it up
[ ]*You drink coffee at least once a week

TOTAL SO FAR: 10

[x] *You know how to do the dishes
[x] *You can count to 10 in another language
[x] *When you say you're going to do something you do it
[x] *Your parents trust you.
[x]*You can mow the lawn
[x] *You can make adults laugh without being stupid
[ ] *You remember to water the plants
[x] *You study when you have to
[x] *You pay attention at school/college/work
[x] *You remember to feed your pets

TOTAL SO FAR: 19

[x] *You work out on a regular basis
[x]*You clean up your own mess
[ ] *The people at Starbucks/Tim Hortens know you by name
[ ] *Your favorite kind of food is take out
[ ] *The first thing you do when you wake up is get coffee
[ ] *You can go to the store without getting something you don't need
[x] *You understand political jokes the first time they are said
[x] *You can type quickly

TOTAL SO FAR: 23

[x] *You have realized that the weather forecast changes every hour
[ ] *Your only friends are from your place of employment
[x]*You have been to a tupperware party
[x] *You have realized that no one will take you seriously unless you are over the age of 25 and have a job
[x] *You have more bills than you can pay
[ ] *Most of all your friends are older than you are
[x] *You can say no to staying out all night
[x] *You use the internet every day
[x] *Your wardrobe hasn't changed in a while
[x] *You can read a book and actually finish it

TOTAL: 31
Add up all the x's and title subject with the sum as "My marriage age is 31

Sem þýðir aðeins eitt, ég hef fram til 5 ágúst til að láta það gerast.....almáttugur, ég er að verða eldri (vill ekki segja gamall, því það væri svoooooo mikil rangfærsla)

Annars er ég bara hinn fínasti, er þó að drepast úr harðsperrum í maganum, rassinum, lærunum og kálfunum, úffff, svona er það þegar að maður tekur vel á.......samt bara góð tilfinning!!!
 Ætla sko að ná svona 25 ára skrokksútliti

Later..

Jói

Verð nú aðeins að fá að blása. Ótrúlegt hvað maður getur orðið önugur yfir íþróttum.

 Það er með þennan blessaða handbolta. Þeir fara á hvert stórmótið á fætur öðru, aðallega vegna þess að það eru svo fáar þjóðir sem spila handbolta að þeir fara sjálfkrafa inn á þessi mót......ég meina, lið eins og Kúveit, Grænland og einhverjar smá-eyjaþjóðir eiga að hafa eitthvað í þjóðir á borð við Þýskaland á svona mótum, þetta er bara hlægilegt. Þetta er eins og að halda úrslitakeppni í handboltanum og ætla að láta Hauka, Val eða Fram spila á móti áhugamanna-skólaliði Bifrastar eða öldungaliði Hugins Seyðisfirði!!!!!!

Og fyrir þessi stórmót, þá er íslenzka landsliðið "hype-að" í botn, þeir kallaðir "strákarnir okkar" og annað svoleiðis og hvað gerist....þeir tapa stórum hluta leikjanna og allir verða óánægðir og hætta að kalla þá "strákana okkar".....segja bara: "Þeir töpuðu!!"

En þetta gleymist auðvitað eins og allt annað og þeir "hype-aðir" aftur og aftur.....

Og svo er það málið með ÍSÍ. Körfuboltinn sem var eina boltasérsambandið sem átti sigursæl landslið fékk einungis skitnar 3-4 millur í sínar hendur til að halda úti landsliðsstarfi og almenni uppbyggingu, á meðan að handboltinn fékk einhverjar rúmar 20 millur.....og hann ekki einu sinni með almennileg yngri flokka landslið.
 Við héldum að þegar að okkar gamli formaður Óli Rafns tók við starfi forseta ÍSÍ, að þá myndu hlutirnir lagast okkur í vil, en nei, hann hefur fests í sama farinu og fyrirrennari hans.
  Ef að karfan nyti sama fjárstuðnings frá ÍSÍ og handboltinn, þá er nokkuð ljóst að karfan gæti orðið mun stærri en handboltinn, enda höfum við mikið þurft að vinna að okkar eigin málum og uppbyggingu með eigin svita og tárum, á meðan að handboltinn hefur gengið um með sinn púðraða rass, hafandi RÚV, ÍSÍ og aðra til að styðja sig.

Einnig furða menn sig á dómara og agamálum í handboltanum. Það mætti furðu setja ef að menn í körfunni kæmust upp með munnsöfnuðinn, stærilætin og persónulegu árásirnar á dómarana sem viðgangast í handboltanum. Og handboltadómararnir bara láta þetta yfir sig ganga, aðallega í leikjum

Annars er ég bara ánægður íþróttalega séð, Skallagrímur tók sig til og náði í albanann Florian Miftari sem hefur víst fengið á sig viðurnefnið "Balkanskaga Vince Carter" vegna háloftafimi sinnar. En við fengum þennan dreng þegar að Zeko tábrotnaði nú fyrir skemmstu. Það verður öflugt lið sem við fáum að sjá í úrslitakeppninni í vor, þegar að Zeko og Axel Kára koma til baka úr meiðslum og Miftari verður til staðar til að taka af pressuna af Flake og hinum.

Annars er Skallagrímur að fara að spila við Fjölni í undanúrslitum bikarsins og það uppi í Borgarnesi, ættum með öllu að komast í úrslitin í Höllina.....vonandi bara að Snæfellingar vinni Njarðvík, þannig að úr verði alvöru Vesturlandsslagur. Eins og Pálmi Sævars sagði, ef að bæði vesturlandsliðin komast í úrslitin, þá mun Vesturland væntanlega tæmast og sprengja Laugardalshöllina

Og ég er líka ánægður með mitt lið í ameríska fótboltanum, New England Patriots, þeir eru enn taplausir, gæti vel hugsað mér að sjá leik þeirra gegn San Diego Chargers um næstu helgi, sjá hvort þeir komast ekki í Superbowl....flott væri ef að Green Bay Packers ynnu svo NY Giants hinum megin, það yrði þá endurtekinn Superbowl-inn frá '97 í Louisiana SuperDome, sem var svakalegur!!!

Annars, þá er ég bara þokkalega sáttur, þótt ég hafi um ýmislegt að hugsa þessa dagana, en það eru seinni tíma fréttir :/

Kveðja

Jói

Jah hvur rækallinn. Það byrjaði að snjóa á sunnudaginn hérna í Grindavík og það bara hætti ekkert að snjóa. Á endanum voru bílarnir okkar horfnir og maður þurfti allsstaðar að ösla snjóinn upp að klofi og sumstaðar upp að mitti. Og á mörgum stöðum náði snjórinn upp að þakbrúnum.
 Minnti mig óneitanlega á þegar að við fjölskyldan bjuggum eitt ár í Ólafsvík í kringum 1990, þann veturinn snjóaði svo svakalega að við vorum lokuð inni í húsinu hjá okkur í nokkra daga, þangað til að lögregla og björgunarsveitir náðu að grafa sig niður að húsinu okkar. Já, í þá daga vöknuðum við það að snjósleðar þeystust yfir þakið hjá okkur.

Ég er búinn að vera að standa í því að moka bílinn minn út, er gjörsamlega búinn í handleggjunum og bakinu, enda ekkert smá magn sem ég þurfti að moka, þar sem að ég á heima í svona smá halla og bílaplanið okkar er niðri í svona innskoti, þannig að ógnarmikill snjór safnaðist þar saman í skafrenninginum í gær.

Mamma og pabbi héldu upp á 50 ára afmælin sín um síðustu helgi, mamma varð 50 ára þann 7. des og pabbi þann 9. jan. Þau ákváðu að bjóða okkur systkinunum, mökum okkar, systkinum sínum og svo ömmu og afa. Þetta endaði á að vera hin skemmtilegasta veisla. Vikkarinn frændi minn mætti með flugeldaköku og kveikti í henni foreldrum mínum til heiðurs. Raggi "Risi" vinur minn hringdi í mig rétt eftir flugeldasýninguna og spurði: "Er Rúnki Vikk á svæðinu??" Ég játti því. Og þá sagði Raggi: "Ég sá flugeldasýninguna frá Sandvíkinni, og vissi að það gat enginn annar verið að skjóta upp en Rúnar Viktorsson!!" Hehehe, já hann frændi minn hefur lengi verið þekktur fyrir flugeldasýningar sínar og verið þyrnir í augum yfirvalda, því að hann biður aldrei um leyfi fyrir þeim.....og skýtur meðal annars upp skoteldum á afmælinu sínu í ágúst

Annars er nú bara gott að frétta af mér, bara jafn fallegur og aðlaðandi eins og alltaf
 Og hef það í hyggju að fara að taka ræktina fastari tökum....er maður ekki alltaf ánægðari, þegar að maður er í almennilegu formi, þá er allt betra og skemmtilegra, meira að segja kynlífið

Blogga kannski meira seinna......eftir einhverja mánuði, kannski fyrr

Jói